Katonqaraǵaı men Buqtyrmada sý elektr stantsııalary salynady

<p>ÓSKEMEN. KAZINFORM &ndash; Shyǵys Qazaqstanda aldaǵy birneshe jylda qýattylyǵy 74,3 MVt bolatyn bes jańa sý elektr stantsııasyn salý josparlanǵan. Nelikten oblysta gıdroenergetıkaǵa basa den qoıyldy jáne osy turǵyda qandaı máseleler sheshimin tabýy tıis? Bul suraqtardyń jaýabyn Kazinform tilshisi anyqtap kórdi.&nbsp;</p>

Shyǵys Qazaqstannyń klımattyq jaǵdaıy kún jáne jel energetıkasyna bet burýǵa kelmeıdi. Sondyqtan oblysta bul energııa kózderin damytýdyń nátıjesi tıimsiz bolmaq.

— Dúnıejúzilik jel energııasy áleýetiniń Atlasyna qarasańyz, jeldi nemese kúndi paıdalanýdyń eń mınımaldy jaǵdaılary elimizdiń sanaýly aımaqtarynda ǵana bar ekenin kórýge bolady. Investorlar úshin osy energııa kózderine áleýeti joǵary óńirlerge aqsha quıý tıimdirek, - deıdi ShQO energetıka jáne turǵyn úı-kommýnaldyq sharýashylyq basqarmasynyń basshysy Nurlan Ramazanov.

Foto: Kazinform

Osy rette, gıdroenergetıka Shyǵys Qazaqstan oblysy úshin eń utymdy tańdaý bolyp qala bermek. 

— Sý elektr stantsııalary — óndiris kólemin ıkemdi ózgertýge múmkindik beretin retteletin energııa kózi. Bul ásirese turaqty energııamen qamtamasyz etý úshin mańyzdy, - deıdi N.Ramazanov.

Foto: Kazinform

Foto: Kazinform

Energetıkalyq baza jáne bolashaqqa jospar

Búginde óńirde 7 sý elektr stantsııasy jumys isteıdi. Osylaısha, Shyǵys Qazaqstan gıdroenergetıka boıynsha elde kóshbasshy bolyp tur. 2024 jyly oblysta energııa óndirýdiń jalpy kólemi 7,6 mlrd kVt/saǵ astam qurady, onyń ishindegi 243,5 mln kVt/saǵ — jańartylatyn energııa kózderi.

Keleshekte bes jańa shaǵyn sý elektr stantsııasynyń qurylysy josparlanǵan:

— Katonqaraǵaı aýdanyndaǵy SES (qýaty 1,4 MVt, iske qosý ýaqyty — 2027 jyl)

— Altaı aýdanyndaǵy Buqtyrma ózenindegi SES (50 MVt, 2029 jyl);

— Zaısan aýdanyndaǵy eki SES (4,5 MVt jáne 2,4 MVt, 2030 jyl)

— Marqakól aýdanyndaǵy sý elektr stantsııasy (16 MVt, 2030 jyl)

Aımaqtyń gıdroáleýeti jalpy qýaty 2 GVt bolatyn 95 shaǵyn SES salýǵa jetkilikti. Qazirgi ýaqytta bul salaǵa qarajat tartý boıynsha áleýetti ınvestorlarmen belsendi jumys júrgizilip jatyr.

Foto: Kazinform

Máseleler men ony sheshý joldary

SES-terdiń tıimdiligi joǵary bolǵanymen, qurylys jumystaryna qatysty birqatar másele bar. Sonyń biri — stantsııalar salynady dep josparlanǵan jerlerdiń orman qorynda ornalasýy.

— Osyǵan baılanysty ınvestorlarda qıyndyqtar týyndaýda. Óıtkeni orman qoryndaǵy jerlerdi alý ońaı jumys emes. Biz osy máselelerdi sheshýdi jedeldetý úshin ýákiletti organdarmen belsendi jumys isteýdemiz, - deıdi Nurlan Ramazanov.

Sonymen qatar energetıkany damytý men ózen ekojúıesin saqtaý arasyndaǵy tepe-teńdikti qamtamasyz etý asa mańyzdy. Sarapshylardyń aıtýynsha, jańa SES-ter salý kezinde qorshaǵan ortaǵa qandaı da bir zııan tıgizýden barynsha saqtaný kerek.

Eske salsaq, osyǵan deıin Shyǵys Qazaqstan oblysyndaǵy Marqakól aýdanynda salynatyny habarlanǵan.