Qatqaq, tuman, kúshti jel: 25 qyrkúıekke arnalǵan aýa raıy boljamy

<p>Qazgıdromet sınoptıkteri 25 qyrkúıek, dúısenbige arnalǵan aýa raıy boljamyn usyndy, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.&nbsp;&nbsp;</p>

Antıtsıklonnyń áserinen Qazaqstan aýmaǵynyń kóp bóliginde jaýyn-shashyn jaýmaıdy.

Tek elimizdiń shyǵysynda atmosfera fronttarynyń áserinen jańbyr, taýly aımaqtarda jaýyn-shashyn (jańbyr, jylbysqy qar) bolady.

Respýblıka boıynsha túnde jáne tańerteń tuman túsedi, ońtústikte, shyǵysta ekpindi jel soǵady. 

Shyǵys Qazaqstan oblysynyń shyǵysynda, Qaraǵandy oblysynyń soltústiginde, shyǵysynda túnde 1-3 gradýs úsik júredi, Aqmola oblysynyń shyǵysynda túnde topyraq betinde 1 gradýs úsik bolady. 

Qyzylorda qalasynyń ortalyǵynda, shyǵysynda, ońtústiginde tótenshe órt qaýpi saqtalady. 

Jambyl oblysynda, Qaraǵandy oblysynyń ońtústiginde, Ulytaý oblysynda, Túrkistan oblysynyń shóldi aýdandarynda órt qaýpi joǵary.