Qaterli isiktiń qalaı aldyn alýǵa bolady

ASTANA. QazAqparat – Redaktsııamyzdyń resmı saýalyna jaýap bergen Densaýlyq saqtaý mınıstrliginiń Medıtsınalyq kómekti uıymdastyrý departamenti mamandary onologııalyq aýrýlardyń aldyn alýǵa baǵyttalǵan keńester berdi, dep habarlaıdy QazAqparat tilshisi.

Vedomstvo mamandarynyń málimdeýinshe, qaterli isiktiń aldyn alýǵa bolady, ol úshin:

- Ýaqytyly medıtsınalyq tekserýden ótý (skrınıng) qajet;

- Durys tamaqtanǵan jón;

- Temeki shekpeńiz, alkogoldi ishimdik ishýdi shekteý qajet;

- Qalypty dene salmaǵyn saqtaý mańyzdy;

- Kúndelikti ómirde fızıkalyq belsendi bolyńyz;

- Shamadan tys kún astynda júrmeńiz, bul ásirese balalarǵa qatysty;

- Jumys ornynda eńbek qaýipsizdigi jáne eńbekti qorǵaý erejelerin saqtaı otyryp, qaterli isik týdyratyn zattardyń áserinen ózińizdi qorǵańyz;

Al áıelder úshin:

- emshek sútimen emizý ananyń qaterli isikke shaldyǵý qaýpin azaıtady;

- qaterli isiktiń keıbir túrleriniń damý qaýpin arttyratyn gormondardy almastyratyn terapııalardy shekteńiz.

Balalar úshin:

- V gepatıtine (jańa týǵan náresteler úshin), adam papılloma vırýsyna (qyzdar úshin) qarsy vaktsına saldyrý mańyzdy.

Qosa ketsek, Qazaqstanda onkologııamen aýyratyn 210 myńnan astam adam esepte tur.

Keıingi 2 jylda jastardan qaterli isik jıi anyqtalyp jatyr.

Osyǵan baılanysty mınıstrlik qaterli isiktiń órshýine sebep bolǵan basty faktorlardy atady.

Jalpy jyl saıyn onokologııaǵa shaldyqqan naýqastardy emdeýge 36 mlrd teńge bólinedi.