Qaterli isikke shaldyqqan 1 jasar Arman memlekettiń kvotasymen Koreıaǵa emdelýge jiberilýde
10:30, 09 Qańtar 2013
ASTANA. 9 qańtar. QazAqparat - Qazaqstan Respýblıkasy Densaýlyq saqtaý mınıstrliginiń kvotasy boıynsha basyndaǵy úlken isikke ota jasatý úshin Arman Jandildá Koreıaǵa uzaq merzimdik emdeýge jiberiledi.
Bul týraly QR DSM-niń baspasóz qyzmetinen habarlady.
Birneshe aı buryn paıda bolǵan qaterli isik balanyń betiniń jartysyn jaýyp tastaǵan. Hımııalyq terapııanyń eki kýrsynan keıin isik kólemi birshama azaıǵanymen, kóp uzamaı qaıtadan paıda boldy. Náresteniń kóz janaryn saqtap qalý úshin isikti alyp tastaýǵa asa kúrdeli ota jasatý qajet.
Osyǵan oraı QR Densaýlyq saqtaý mınıstrligi búgin týra bir jasqa tolatyn Arman Nurlanuly Jandildány kvota boıynsha Koreıaǵa - Seýl Ulttyq ýnıversıtetine uzaq merzimge emdeýge jiberý týraly sheshim qabyldady. Balanyń janynda anasy jáne Almatydaǵy emdeý uıymdarynyń biriniń dárigeri bolady.
Ushý 2013 jylǵy 10 qańtarǵa josparlanyp otyr.