Qaterli isikti emdeıtin jańa preparat shyqty

<p>ASTANA. KAZINFORM &ndash; Reseıdiń Nıjnıı Novgorod qalasyndaǵy Lobachevskıı ýnıversıtetiniń (NNMÝ) ǵalymdary bir preparattyń quramyna birneshe belsendi molekýlalardy biriktire aldy. Bul isik aýrýlary úshin aralas fotodınamıkalyq terapııa (FDT) jáne hımıoterapııany júrgizýge múmkindik berdi. Jańa preparat FDT qoldanylatyn teri obyry men basqa da qaterli isikterdi emdeýde ásirese tıimdi bolýy múmkin, dep habalaıdy <a href="https://nauka.tass.ru/nauka/20833281" target="_blank" rel="noopener">TASS</a> aqparat agenttigi.</p>

«Fotosensıbılızator men hımıoterapııalyq preparattyń kombınatsııasy metastazdyq isikterdi emdeýge múmkindik berýi múmkin. Qurylǵan molekýla áreketiniń joǵary selektıvtigi isik tininiń ishinde joıylatyn arnaıy baılanystyrǵyshty qoldaný arqyly júzege asyrylady», - dep baıandady ýnıversıtette. 

Zertteýdiń avtory, Nıjnıı Novgorod memlekettik ýnıversıteti hımııa fakýltetiniń organıkalyq hımııa kafedrasynyń dotsenti Vasılıı Otvagınniń atap ótýinshe, fotodınamıkalyq terapııaǵa arnalǵan jańa preparattardy saraptamalardyń kóptigine baılanysty naryqqa shyǵarý qıyn.

«Biz qazirdiń ózinde belgili jáne dáleldengen komponentterge negizdelgen keshen qurdyq: ol fotodızatınge uqsas kók-jasyl baldyrlardan fotosensıbılızator jáne zamanaýı hımıoterapııalyq preparat «kabozantınıb». Zertteý olardyń birigip isikpen tıimdi kúresetinin kórsetti. Biriktirilgen preparatty jasaý barysynda dárilik hımııanyń eń zamanaýı tásilderi qoldanyldy», - dep keltiredi baspasóz qyzmeti ǵalymnyń sózin.