Qaterli isikke qarsy qazaqstandyq preparat qashan shyǵarylady

<p>ASTANA. KAZINFORM &ndash; 1 shildede qaterli isikke qarsy qazaqstandyq preparatty synaqtan ótkizýdiń ekinshi kezeńi bastaldy. Bul týraly Ǵylym jáne joǵary bilim mınıstri Saıasat Nurbek málim etti.&nbsp;&nbsp;</p>

«Adamdarǵa jasalǵan klınıkalyq synaqtardyń birinshi kezeńi sátti aıaqtaldy. Almatydaǵy radıologııa ınstıtýtynda 15 onkologııalyq naýqas emdeldi, nátıjelerine úlken úmit artyp otyrmyz. Bul máseleni Premer-Mınıstr jeke baqylaýyna aldy. Densaýlyq saqtaý mınıstrligimen birlesip arnaıy jumys tobyn qurdyq, osy oraıda mınıstrlikke alǵys aıtamyn», - dedi Saıasat Nurbek Úkimet otyrysynan keıin ótken baspasóz máslıhatynda.

Sondaı-aq mınıstr 1 shildede preparatty testileýdiń ekinshi kezeńi bastalǵanyn aıtty. Synaqtan ótýge 5 myńnan astam onkologııalyq naýqastar jazylǵan. 

«Óz erikterimen jazylǵan naýqastar synaqtyń ekinshi kezeńine qatysady. Oǵan joǵary ǵylymı-tehnıkalyq komıssııanyń sheshimimen shamamen 2 mlrd teńge qarastyrylǵan. Jyldyń sońyna deıin preparatty synaqtan ótkizýdiń ekinshi kezeńi aıaqtalady, al kelesi jyly ony tirkeýge shyǵaramyz dep úmittenemiz», - deıdi ol. 

Vedomstvo basshysynyń aıtýynsha, qaterli isikke qarsy dárini testileý Astana, Almaty jáne Pavlodar qalasynda ótip jatyr. 

Eske sala keteıik, bıyl qańtarda qazaqstandyq bıotehnolog Dos Sarbasov qaterli isikke qarsy preparat jasap shyǵarǵany týraly habarlaǵan edik. Innovatsııalyq dárini aldymen qoıandar men tyshqandarǵa synaǵan, sosyn onkologııa ýnıversıtetinde 15 adam synaqtyń birinshi kezeńinen ótken.