Qatelesip daýys bergen jaǵdaıda bıýlletendi aýystyrýǵa bola ma

ALMATY. QazAqparat- Almaty qalalyq aýmaqtyq saılaý komıssııasynyń tóraǵasy Aıgúl Qalyqova árbir saılaýshy óz bıýlletenin bir ret ózgertýge quqyly ekenin aıtty, dep habarlaıdy QazAqparat tilshisi.

Onyń aıtýynsha, bıýlletendi jáshikke salǵanǵa deıin ózgertýge bolady.

«Eger saılaýshy ózi qatesin jáshikke salmaı turyp baıqasa, onda ýchaskelik komıssııaǵa júginip, jańa bıýlleten surasa bolady», - deıdi Aıgúl Qalyqova.

Sondaı-aq ol búlinip qalǵan bıýlleten jaramsyz dep sanalatynyn atap ótti.

«Daýys berýden keıin mundaı bıýlletender qoldanylmaǵan bıýlletendermen birge joıylady. Jaramsyz bıýlleten ornyna jańasy daýys berýshige bir ret qana beriledi»,- dep eskertti ol.