Qatarmen ózara tıimdi yqpaldastyqty arttyra beremiz — Toqaev
«Qatarǵa alǵashqy memlekettik sapardyń qorytyndylaryn joǵary baǵalaımyn. Qatar Memleketiniń Ámiri sheıh Támım ben Hamad Ál Tánımen mazmundy kelissóz nátıjesi boıynsha qazaq-qatar qarym-qatynasy strategııalyq seriktestik deńgeıine kóterilgenin aıryqsha atap ótkim keledi. Eki el arasyndaǵy yntymaqtastyqtyń erekshe sıpatyn sapar aıasynda qol qoıylǵan óte mańyzdy qujattar dáleldeıdi. Qatar Memleketimen ózara tıimdi yqpaldastyqty baýyrlas halyqtarymyzdyń ıgiligi úshin arttyra beremiz», — dep atap ótti Memleket basshysy Instagram paraqshasynda.
Eske sala keteıik, Prezıdent Qasym-Jomart Toqaevtyń memlekettik saparmen Qatarǵa barǵanyn habarlaǵan bolatynbyz.
Prezıdent Qasym-Jomart Toqaev pen Qatar Ámiri birqatar qujatqa qol qoıdy.
Keshe Memleket basshysy Qasym-Jomart Toqaevtyń Qatarǵa memlekettik sapary aıaqtaldy. Eki kúnge sozylǵan saparda eki el basshylary ne týraly kelisti, qandaı qujattarǵa qol qoıyldy jáne Qazaqstan men Qatar yntymaqtastyǵynyń keleshegi qandaı ekenin myna materıaldan oqýǵa bolady.