Qatarmen birge júzege asyratyn gaz jobalarynyń sharttary qashan belgili bolady

<p>ASTANA. KAZINFORM - Qatarlyq ınvestormen gaz salasyndaǵy jobalardy júzege asyrý mámilesiniń sońǵy sharttary eki aı ishinde anyqtalady.&nbsp;</p>

Energetıka mınıstrliginde qatarlyq Power International Holding UCC Holding kompanııasynyń qatysýymen gaz salasyndaǵy jobalardy iske asyrý boıynsha jıyn ótti.

Memleket basshysynyń 13-14 aqpandaǵy Qatarǵa memlekettik sapary aıasynda QazaqGaz Power International Holding UCC Holding-pen kelesi jobalardy birlesip júzege asyrýdyń negizgi sharttary boıynsha mindetti kelisimderge qol qoıdy:

• Qashaǵan ken ornynda 1 mlrd m³ qýaty bar gaz óńdeý zaýytynyń qurylysy;
• Qashaǵan ken ornynda qýaty 2,5 mlrd m³ gaz óńdeý zaýytynyń qurylysy;
• Jańa KS-14 kompressor stansasynyń jáne «KS-14-Qostanaı» magıstraldy gaz qubyrynyń qurylysy;
• «Beıneý — Bozoı — Shymkent» magıstraldy gaz qubyrynyń ekinshi jelisiniń qurylysy.

Esterińizge sala ketsek, bul kelisimder Qazaqstannyń gaz salasyn damytýǵa yqpal etetin jobalardy júzege asyrýǵa baǵyttalǵan.

Aqtóbe jáne Qostanaı oblystarynda «KS-14 — Qostanaı» magıstraldy gaz qubyryn salý jobasynyń strategııalyq mańyzy bar jáne Qostanaı oblysyndaǵy eldi mekenderdi de, iri ınvestıtsııalyq jobalardy da gazdandyrýǵa baǵyttalǵan.

Beıneý-Bozoı-Shymkent gaz qubyrynyń ekinshi jelisi — Qazaqstannyń ońtústik jáne ortalyq aımaqtaryn gazben qamtamasyz etetin mańyzdy gaz arterııasy.

Qashaǵanda gaz óńdeý zaýyttaryn salý elimizdegi taýarlyq gazdyń óńdeý qýaty men resýrstyq bazasyn ulǵaıtýǵa múmkindik beredi.