Qatarǵa eksport kólemin 70 mln dollarǵa jetkizýge bolady – Jumanǵarın

ASTANA. QazAqparat – Qatarǵa eksport kólemin 70 mln dollarǵa jetkizýge múmkindik bar. Bul týraly QR Premer-Mınıstriniń orynbasary – Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Parsy aımaǵynda ornalasqan Qatar kúrdeli memleket. Sebebi óte baı. Qarym-qatynasymyz burynnan jaqsy. Búgin eki shartqa qol qoıamyz. Birinshisi - metrologııa men sertıfıkatsııa jóninde. Ol erteń bizdiń taýarlarǵa jol ashady. Ekinshisi saýda-ekonomıkalyq yntymaqtastyq týraly. Olda aldaǵy ýaqytta saýda-ekonomıkalyq qarym-qatynasymyzǵa quqyqtyq baza qalyptastyratyn kelisimshart bolady», - dedi ol Aqordada BAQ ókilderiniń saýalyna oraı.

Sonymen qatar mınıstr búginde Qazaqstan men Qatar arasyndaǵy taýar aınalymy óte tómen ekendigin aıtty.

«Tek 3 mln dollar ǵana. Biraq, biz arnaıy esep jasadyq. Qazirgi ýaqyttaǵy eksporttyq múmkinshiligimizdi 70 mln dollarǵa deıin jetkizýge bolady», - dedi Serik Jumanǵarın.

Aıta keteıik, Aqordada Memleket basshysy Qasym-Jomart Toqaev memlekettik saparmen kelgen Qatar Ámiri sheıh Támım ben Hamad Ál Tánıdi qarsy aldy.