Qatarda ólim jazasyna kesilgen Úndistan azamattary bosatyldy

<p>DOHA. KAZINFORM &ndash; Qatarda tyńshylyq jasady degen aıyppen tutqyndalyp, ólim jazasyna kesilgen segiz úndistandyq bosatyldy. Bul týraly CNN habarlady.</p>

2022 jyldyń tamyz aıynda Qatarda bir top úndi azamaty Izraılge tyńshylyq jasady degen aıyppen qamaýǵa alyndy. 2023 jyldyń qazan aıynda Qatar soty segiz azamatty ólim jazasyna kesti.

Úndistan barlyq tutqyndardyń otbasylarymen baılanysta ekenin jáne Qatar úkimetimen úkimdi talqylap jatqanyn aıtty. Jeltoqsan aıynda mınıstrlik jazalardyń qysqartylǵanyn, jaqyn arada jazanyń ózgerýi múmkin ekenin aıtqan.

– Úndistan úkimeti Qatarda qamaýǵa alynǵan Dahra Global kompanııasynda jumys isteıtin segiz úndi azamatynyń bosatylýyn quptaıdy. Olardyń jeteýi Úndistanǵa oraldy, – delingen Úndistan Syrtqy ister mınıstrliginiń dúısenbidegi málimdemesinde.

Úndistan Qatar Ámiriniń bul azamattardy bosatyp, úılerine qaıtýyna ruqsat berý sheshimine rızashylyǵyn bildirdi.