Katar, Mysyr jáne AQSh Izraıl men HAMAS-ty kelissózdi qaıta bastaýǵa shaqyrdy

<p>ASTANA. KAZINFORM &mdash; Katar, Mysyr jáne AQSh bıligi Izraıl men palestınalyq HAMAS-ty Gaza sektoryndaǵy atysty toqtatý jáne ótken jyldyń 7 qazanyndaǵy shabýyl kezinde tutqynǵa alynǵan ızraıldikterdi bosatý týraly kelissózderdi qaıta bastaýǵa shaqyrdy,&nbsp; dep jazady <a href="https://www.bbc.com/russian/articles/cd6yv0z49z1o" target="_blank" rel="noopener">BBC.</a></p>

«Biz taraptardy Doha nemese Kaırdegi olqylyqtardy joıý jáne kelisimdi keshiktirmeı júzege asyrýdy bastaý úshin kelissózderdi jedel túrde qaıta bastaýǵa shaqyrdyq», - delingen birlesken málimdemede.

Kelissózderdiń qaıta jandanýy aımaqtaǵy shıelenisti báseńdetý jáne ótken aptadaǵy HAMAS jetekshisi Ismaıl Hanııanyń qazasynan keıingi shıelenisti toqtatý áreketi.

AQSh Memlekettik hatshysy Entonı Blınken osy aptada Iran men Izraıldi Taıaý Shyǵystaǵy shıelenistiń aldyn alýǵa shaqyrdy.

Izraıl premer-mınıstri Bınıamın Netanıahý keńsesi Izraıl delegatsııasynyń kelissózderge 15 tamyzda ketetinin habarlady.

HAMAS ókilderi áli túsinik bergen joq. Taıaý Shyǵys pen amerıkalyq deldaldar Hanııa qaıtys bolǵannan keıin bitimgershilik kelisimine qol jetkizý ońaı bolmaıtynyn moıyndady.