Qatar men Qazaqstannyń telekommýnıkatsııa sektory talqylandy

<p>DOHA.KAZINFORM &ndash; Qazaqstan Prezıdenti Qatardyń Power International Holding kompanııasynyń ıeleri Mýataz Ál-Haıat pen Ramez Ál-Haıatty qabyldady. Bul týraly Aqordanyń baspasóz qyzmeti málim etti.&nbsp;</p>

Kezdesýde ekonomıkanyń túrli sektoryndaǵy ózara tıimdi yntymaqtastyqtyń perspektıvalary talqylandy.

Qasym-Jomart Toqaev tabysty seriktestik Qazaqstan men Qatar arasyndaǵy ınvestıtsııalyq yntymaqtastyqtyń qozǵaýshy kúshine aınalǵanyn atap ótti.

Búgin memlekettik sapar aıasynda birqatar mańyzdy ınvestıtsııalyq kelisimderge qol qoıyldy. Osy rette Qatardyń Power International Holding kompanııasy negizgi qatysýshy sanalady.

Foto: Aqordanyń baspasóz qyzmeti

Mýataz Ál-Haıat pen Ramez Ál-Haıat Prezıdentke Qashaǵanda gaz óńdeý zaýyttaryn, Qyzylorda oblysynda bý-gaz qondyrǵylarynyń tehnologııasyna negizdelgen elektr stantsııasyn salý jospary jóninde málimet berdi. Sondaı-aq jańa kompressor stantsııasyn salýǵa, Beıneý – Bozoı – Shymkent jáne Aqtóbe – Qostanaı gaz qubyrlaryn júrgizýge nıet bildirdi.

Memleket basshysy elimizdiń uzaq merzimdi energetıkalyq qaýipsizdigin qamtamasyz etetin bul jobalardyń erekshe mańyzǵa ıe ekenin aıtty. Sondaı-aq Power International Holding kompanııasynyń Qazaqstannyń telekommýnıkatsııa sektoryna kirý jónindegi josparyn quptady.