Qatar – fýtboldan álem chempıonatyn ótkizip jatqan shaǵyn el
20:53, 27 Qarasha 2022
ASTANA. QazAqparat – Fýtboldan álem chempıonatyn ótkizip jatqan Qatar jer aýmaǵy boıynsha shaǵyn jáne turǵyndar sany az memleket retinde erekshelenip otyr, dep habarlaıdy QazAqparat tilshisi.
Atalǵan memlekettiń jer aýmaǵy – 11 586 sharshy shaqyrym. Bul jóninen dúnıejúzinde 158-orynda tur. Bul memlekette 2,8 mıllıon adam turady. Al, 1930 jyly álem chempıonatyn ótkizgen Ýrýgvaı halqynyń sany sol ýaqytta 3,5 mln adam boldy.
Aıta ketsek, budan buryn qaı eldiń birinshiliginen kóp oıynshy barǵany anyqtaldy.
Dúbirli dodaǵa barlyǵy 830 fýtbolshy qatysady. Olar 42 memlekettiń dop dodasynda oıyn kórsetedi. Arasynda Anglııa birinshiliginen 159 oıynshy Qatar jerine qadam basty.