Qatar Arab álemi men Parsy shyǵanaǵyndaǵy mańyzdy ári senimdi seriktesimiz – Toqaev
«Biz búgin birqatar asa mańyzdy máselelerdi jan-jaqty talqyladyq. Pikir almasýymyz mazmundy, maǵynaly boldy. Qatar Arab álemi men Parsy shyǵanaǵyndaǵy mańyzdy ári senimdi seriktesimiz. Bul memleket elimizge árdaıym qoldaý kórsetip júrgenin atap ótkim keledi. Biz muny eshqashan umytpaımyz. Kelesi jyly Qazaqstan men Qatar arasyndaǵy dıplomatııalyq qatynastyń ornaǵanyna 30 jyl tolady. Osy kezeń ishinde yntymaqtastyǵymyz nyǵaıyp, dostyǵymyz arta tústi. Elderimiz arasynda syndarly dıalog ornady. Saýda-ekonomıkalyq jáne mádenı-gýmanıtarlyq baılanys, jahandyq jáne óńirlik qurylymdar aıasyndaǵy yqpaldastyq oıdaǵydaı damyp keledi», - dedi Qazaqstan Prezıdenti.
Memleket basshysy Qatar Qazaqstan úshin Taıaý Shyǵystaǵy óte mańyzdy seriktes ekenin basa aıtty.
«Sebebi Doha bizdiń áleýmettik-ekonomıkalyq, saıası reformalarymyzǵa alǵashqylardyń biri bolyp qoldaý kórsetti. Men muny búgin sheıh Támımniń ózine de aıttym. Onyń ekijaqty yntymaqtastyqty nyǵaıtýǵa qosqan úlesin joǵary baǵalaımyz. Halqymyzdyń atynan rızashylyq bildirdim. Eń bastysy elderimiz jahandyq jáne óńirlik deńgeıdegi beıbitshilik pen turaqtylyqty saqtaýǵa zor jaýapkershilikpen qaraıdy. Halyqarlyq jáne aımaqtyq máselelerge qatysty ustanymdarymyz uqsas», - dedi Qasym-Jomart Toqaev.