Qatar Ámiriniń Qazaqstanǵa memlekettik sapary qalaı ótedi

ASTANA. QazAqparat – 11-12 qazanda Qatar Ámiri sheıh Támım ben Hamad Ál Tanı Qazaqstanǵa memlekettik saparmen keledi. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Sapar barysynda Qatar Ámiriniń Qazaqstan Prezıdenti Qasym-Jomart Toqaevpen kezdesýi josparlanǵan. Kelissózderde ózekti óńirlik jáne halyqaralyq máseleler boıynsha pikir almasyp, taraptar ekijaqty ınvestıtsııalyq jáne saýda-ekonomıkalyq yntymaqtastyqtyń perspektıvalaryn talqylaıdy», - dedi Aıbek Smadııarov mınıstrlikte ótken brıfıngte.

Sapar aıasynda eki eldiń iri kompanııalarynyń qatysýymen ınvestıtsııalyq forým ótedi.

Buǵan qosa, Qatar Ámiri Azııadaǵy ózara is-qımyl jáne senim sharalary jónindegi VI sammıtke qatysady.

Aıta keteıik, bul aptada Qatar, Túrkııa jáne Túrikmenstan basshylary Qazaqstanǵa memlekettik saparmen keledi.

Foto: News.myseldon.com