Qatar-2022: Ýrýgvaı pleı-off satysyna shyǵa almady

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda búgin H tobynda úshinshi týrda Gana men Ýrýgvaı quramalary kezdesti, dep habarlaıdy QazAqparat tilshisi.

FIFA reıtıngisinde Gana - 61, Ýrýgvaı 14-orynda tur.

Eki qurama buǵan deıin eki márte kezdesti. Bireýinde ýrýgvaılyqtar jeńiske jetse, bireýinde teń nátıje tirkeldi.

Týrnır kestesinde Gana quramasy Ýrýgvaıdan joǵary turǵan edi. Olardyń enshisinde úsh upaı bolsa, ýrýgvaılyq fýtbolshylar nebári bir upaıdy enshiledi.

Osyǵan baılanysty Ońtústik Amerıka qurlyǵynyń ókilderi tizgindi qolǵa ustaýǵa tyrysty. Nátıjesinde Hıorhıan de Arraskaeta 26, 32-mınýttarda qos goldyń avtory atandy.

Osylaısha Ýrýgvaı Ganany 2:0 esebimen jeńgenimen, pleı-off satysyna shyǵa almady.

Atalǵan topta Ońtústik Koreıa quramasy Portýgalııadan 2:1 esebimen basym tústi.

Sondaı-aq, elorda ýaqytymen 1:00-de G tobynda Serbııa men Shveıtsarııa, Kamerýn men Brazılııa quramalary kezdesedi.

Aıta ketsek, qazirge deıin 1/8 fınal oıyndaryna Frantsııa, Avstralııa, Brazılııa, Portýgalııa, Nıderland, Senegal, Anglııa, AQSh, Argentına, Polsha, Marokko, Hovatııa quramalary joldama aldy.