Qatar-2022: Ońtústik Koreıanyń bas bapkeri qyzmetinen ketti
Portýgalııalyq maman komandasy 1/8 fınalda Brazılııadan 1:4 esebimen jeńilip qalǵannan keıin ornyn bosatatynyn málimdedi.
«Bolashaq týraly oılaýǵa týra keledi. Braq ol Koreıa quramasy oıynshylarymen baılanysty emes. Fýtbolshylar men ońtústikkoreıa federatsııasynyń prezıdentine ketetinim týraly aıttym. Bul sheshim qyrkúıek aıynda qabyldanǵan. Men oıynshylarǵa alǵys aıtqym keledi. Olar qoldan kelgenniń bárin jasady, koreıalyqtardyń bapkeri bolǵanyma qýanyshtymyn ári maqtan etemin», - dep keltiredi Sky Sports Paýlý Bentýdiń sózin.
Paýlý Bentý Koreıa quramasyn 2018 jyldan beri jattyqtyryp keldi.
Eske sala keteıik, budan buryn penaltı serııasynda Japonııany jeńgen Horvatııanyń shırek fınalǵa shyqqanyn jazǵan bolatynbyz.
Horvatııa oıynshysy óz eliniń rekordyn ornatty.
Foto: SAKIS SAVVIDES