Qatar-2022: Nıderland quramasy Ekvadordy jeńe ala ma
Alǵashqy kezdesý Qatar men Senegal arasynda ótkizilip, elorda ýaqytymen 19:00-de «Qazsport» telearnasynan tikeleı efırde kórsetiledi.
Kezdesý el astanasy - Doha qalasynda 44400 jankúıerge arnalǵan «El-Týmama» stadıonynda ótkiziledi. Bas tóreshi - ıspanııalyq Antonıo Laos.
Eki qurama óziniń tarıhynda tuńǵysh márte kezdesip otyr.
Birinshi týrda Qatar quramasy Ekvadorǵa, Senegal Nıderlandyǵa 0:2 esebimen jol berdi.
Sondyqtan búgingi kezdesýdiń eki qurama úshin de mańyzy artyp tur. Ekeýi de jeńiske jetetin joldy izdeıtini anyq. Ras, birinshi kezdesýde qatarlyq fýtbolshylar jankúıer kútken oıyn órnegin kórsete alǵan joq. Al senegaldyq qurama sońǵy sátte ǵana qarsylasyna ese jiberip qoıdy.
Endi ekeýi ózderiniń sheberlik deńgeıi qandaı ekenin kórsetýine múmkindik týyp otyr.
Atalǵan toptaǵy Nıderland pen Ekvador elorda ýaqytymen 22:00-de «Qazsport» telearnasynan tikeleı efırde kórsetiledi.
Oıyn el astanasy - Doha qalasynda ornalasqan 45857 jankúıerge arnalǵan «Halıfa Interneıshnl» stadıonynda ótkiziledi. Bas tóreshi - aljırlik Mýstafa Gorbal.
Eki qurama buǵan deıin eki márte joldastyq kezdesý ótkizdi. 2006 jyly 1 naýryzynda nıderlandylyq fýtbolshylar qarsylasynan 1:0 esebimen basym tússe, 2014 jyldyń 17 mamyrynda 1:1 esebine qanaǵat bildirdi.
Quramalar alǵashqy jeńisinen keıin týrnır kestesindegi jaǵdaıyn jaqsartyp aldy. Dese de pleı-off satysyna shyǵý múmkindigin erterek sheshýge tyrysatyny anyq. Sondyqtan jankúıerler olardyń tarapynan tartysty oıyn kútedi.
Sondaı-aq, búgin, 25 qarashaada elorda ýaqytymen 16:00-de Ýels pen Iran kezdesýi «Qazsport», 01:00-de Anglııa men AQSh oıyny «Qazaqstan» men «Qazsport» telearnalarynan tikeleı efırde kórsetiledi.
Eske salsaq, 24 qarashada birinshi týr oıyndary máresine jetti.
https://kaz.inform.kz/news/futboldan-ach-serbiyamen-matchta-risharlison-braziliyany-zheniske-zhetkizdi_a4005928
Foto: sports.kz