Qatar-2022: Kamerýnnan jeńilgen Brazılııa óz tobynda birinshi orynǵa ıe boldy

ASTANA. QazAqparat – Qatarda fýtboldan ótip jatqan álem chempıonatynda G tobynda Kamerýn men Brazılııa quramasy sheberlik baıqasty, dep habarlaıdy QazAqparat tilshisi.

Bul topta 6 upaımen jekedara kósh bastaǵan brazılııalyqtar pleı-ofqa shyǵyp qoıǵan-dy. Sondyqtan Tıte Kamerýnmen oıynǵa birqatar jańa oıynshylardy shyǵardy. Al Shveıtsarııanyń enshisinde 3, Kamerýn men Serbııada 1 upaıdan bar edi. Sondyqtan kamerýndyq oıynshylar da pleı-oftan úmitin úzbegen bolatyn, olarǵa tek jeńis kerek-ti.

Birinshi taımda komandalar barynsha shabýyldaǵanymen, esep ashylǵan joq.

Ekinshi kezeńde áýeli kamerýndyqtar qaqpany nysanaǵa alsa, sodan keıin brazılııalyqtar birneshe múmkindikti múlt jiberdi. Oıyn barysynda Kamerýn qaqpashysy Devıs Epassı óz komandasyn goldan qutqara bildi. Kerisinshe 92-mınýtta kamerýndyq Vensan Abýbakar gol soǵyp ketti – 1:0. Jeıdesin sheship tastaǵandyqtan, ekinshi eskertý alǵan Abýbakar alańnan qýyldy.

Sóıtip Kamerýnnan jeńilgenimen, óz tobynda birinshi orynǵa ıe bolǵan Brazılııa 5 jeltoqsan kúni Ońtústik Koreıamen ¼ fınaldyń joldamasyn sarapqa salady. Bul topta Shveıtsarııa ekinshi joldamany jeńip aldy. Ol 6 jeltoqsanda Portýgalııamen kezdesedi.

Osylaısha, álem chempıonatynda toptyq básekeler aıaqtaldy. Endi pleı-off matchtary bastalady.

Eske sala keteıik, budan buryn Belgııamen teń túsken Horvatııanyń jarysty jalǵastyratynyn jazǵan bolatynbyz.

Sondaı-aq Germanııa quramasy pleı-off kezeńine shyǵa almaı qaldy.

Portýgalııa men Ońtústik Koreıa pleı-off kezeńine joldama aldy.