Qatar-2022: Ispanııa quramasy penaltı tebýden antırekord jasady

ASTANA. QazAqparat - Fýtboldan Ispanııa quramasy álem chempıonaty tarıhynda antırekord tirkedi, dep habarlaıdy QazAqparat tilshisi.

Atalǵan qurama Qatarda ótip jatqan álem chempıonatynda 1/8 fınalda Marokko quramasyna penaltı serııasynan 0:3 esebimen jol berip qoıdy.

Oıynnyń negizgi jáne qosymsha kezeńderinde 0:0 esebi tirkeldi.

Ispanııalyq fýtbolshylar álem chempıonatynda besinshi márte penaltı serııasyna qatysty. Onyń tórteýinde qarsylastaryna ese jiberdi.

Al Anglııa men Italııa úsh márteden penaltı serııasynda oıdaǵydaı nátıje kórsete almady.

Qazirge deıin 1/4 fınalǵa joldama alǵan jeti qurama belgili boldy.

Jarystyń atalǵan satysynda 9 jeltoqsanda Horvatııa men Brazılııa, Nıderland pen Argentına, 10 jeltoqsanda Anglııa men Frantsııa quramalary sheberlik baıqasady.

Al Marokkonyń qarsylasy Portýgalııa men Shveıtsarııa kezdesýinen keıin anyqtalady.

Qazir ótip jatqan atalǵan oıynda portýgalııalyq fýtbolshylar 1:0 esebimen basym túsip jatyr.