Qatar-2022: Horvatııa Kanadany iri eseppen utty

ASTANA. QazAqparat – Qatarda fýtboldan ótip jatqan álem chempıonatynda F tobynda Horvatııa men Kanada quramalary synǵa tústi, dep habarlaıdy QazAqparat tilshisi.

Bul topta birinshi týrda kanadalyqtar Belgııaǵa 0:1 esebimen jol berse, horvatııalyqtar Marokkomen teń tarqasqan edi (0:0).

Ekinshi týrda Marokko sensatsııa jasap, Belgııany 2:0 esebimen utyp, jaǵdaıdy ábden shıelenistirdi.

Osydan tórt jyl buryn álem chempıonatynyń kúmis júldegeri atanǵan Horvatııa quramasyna kanadalyqtardy jeńbese, toptan shyǵa almaý qaýpi tóngen-di. Onyń ústine 2-mınýtta Alfonso Devıs Kanadany alǵa shyǵardy – 1:0.

Budan keıin Zlatko Dalıch shákirtteri Kanada qaqpasyna órshelene umtyldy. 36-mınýtta sol qanattan Ivan Perıshıchten pas alǵan Andreı Kramarıch tarazy basyn teńestirdi – 1:1. 44-mınýtta Iosıp ıÝranovıchten dop alǵan Marko Lıvaıa Horvatııany alǵa shyǵardy – 2:1.

Andreı Kramarıch 70-mınýtta I.Perıshıchtiń pasyn múltiksiz paıdalanyp, esepti 3:1-ge jetkizdi.

Match barysynda kanadalyq Mılan Borıan birneshe ret qaqpasyn goldan aman alyp qaldy. Horvatııalyq Domınık Lıvakovıch te bar sheberligin kórsetti.

Ekinshi taımda tyńnan qosylǵan Lovro Maıer Kanada qorǵanysyndaǵy óreskel qatelikten keıin 94-mınýtta oıyn núktesin qoıdy – 4:1.

Osylaısha, F tobynda Horvatııa 4 upaı jınap, Marokkony qýyp jetip, dop aıyrmasymen kósh bastady. Belgııada úsh upaı bar. Al eki ret utylǵan kanadalyqtar pleı-off kezeńine shyǵýdan úmitin birjola úzdi. 1 jeltoqsan kúni ótetin Horvatııa – Belgııa, Kanada – Marokko kezdesýlerinde eki joldama ıesi anyqtalady.

Eske sala keteıik, budan buryn Kılıan Mbappeniń Frantsııany pleı-off kezeńine shyǵarǵanyn jazǵan bolatynbyz.

Sondaı-aq Marokko quramasy Belgııadan basym tústi.

Kanada quramasy álem chempıonatyndaǵy alǵashqy golyn soqty.

Foto: ALEX GRIMM/GETTY IMAGES