Qatar-2022: Fýtboldan Belgııa quramasynyń bas bapkeri qyzmetinen ketti

ASTANA. QazAqparat - Fýtboldan Belgııa quramasynyń bas bapkeri Roberto Martınes qyzmetinen ketti. Bul sheshimge quramanyń Qatarda ótip jatqan álem chempıonatynda pleı-off satysynan tys qalǵanynan keıin keldi, dep habarlaıdy QazAqparat tilshisi.

F tobynda synǵa túsken Belgııa toptyq kezeńde Kanadany 1:0 esebimen jeńip, odan keıin Marokkoǵa 0:2 esebimen jeńilip qaldy. Al Horvatııamen kezdesýde 0:0 esebine qanaǵat bildirdi.

Nátıjesinde nebári tórt upaı alǵan olar óz tobynda úshinshi oryndy mise tutty. Bul toptan Marokko jáne Horvatııa 1/8 fınalǵa joldama aldy.

Roberto Martınes ulttyq qurama tizginin 2016 jyly ustady. 2018 jyly onyń basshylyǵymen belgııalyq fýtbolshylar qola júldeger atandy.

Eske salsaq, budan buryn Meksıka quramasynyń bas bapkeri qyzmetinen ketti.

Sondaı-aq, Iran quramasynyń bas bapkeri qyzmetinen ketetinin málimdedi.

Foto: Reuters