Qatar-2022: Frantsııalyq qaqpashy óz quramasynyń rekordyn jańartty
Ol búgin ulttyq quramanyń 2022 jylǵy álem chempıonaty D toby úshinshi týryndaǵy Týnıspen kezdesýinde negizgi quramada jasyl alańǵa shyqty. Atalǵan kezdesýde olar qarsylasyna 0:1 esebimen jol berdi.
Bul sátte onyń ómirge kelgenine 37 jyl 247 kún tolǵan edi. Nátıjesinde ol buǵan deıin saqtalyp kelgen Bernard Lamnyń kórsetkishin jańartty. Anglııaǵa qarsy shyqqan kezdesýde ol 37 jastan 148 kún asqan edi.
Stıv Mandanda 2008 jyldan beri ulttyq qurama sapynda oınap keledi. Qazir ol óz eliniń «Renn» komandasynda oıyn kórsetedi.
Atalǵan topta birinshi oryn alty upaımen Frantsııaǵa buıyrsa, dál sondaı upaımen Avstralııa pleı-off satysyna berilgen ekinshi joldamaǵa ıe boldy.
Sondaı-aq, búgin elorda ýaqytymen 1.00-de Polsha men Argentına oıyny «Qazaqstan», Saýd Arabııasy men Meksıka oıyny «Qazsport» telearnasynan tikeleı efırde kórsetiledi.