Qatar-2022: Frantsııa quramasynyń bas bapkeri Dıde Desham jumysyn jalǵastyrady

ASTANA. QazAqparat – Fýtboldan Frantsııa quramasynyń bas bapkeri Dıde Desham óz jumysyn 2024 jyly Germanııada ótetin Eýropa chempıonatyna deıin jalǵastyratyn boldy, dep habarlaıdy QazAqparat tilshisi.

Le Parisien málim etkenindeı, Frantsııa fýtbol federatsııasy Zınedın Zıdandy bas bapker retinde shaqyrý ıdeıasynan bas tartty.

Qatarda ótip jatqan álem chempıonatynda Anglııany utyp, jartylaı fınalǵa shyqqan 54 jasar Desham bas bapker retinde ózi sheshim qabyldaý quqyǵyna ıe boldy.

Budan buryn ataqty fýtbolshy ári bapker Z. Zıdan Deshamdy almastyrady dep eseptelingen edi. Frantsııa fýtbol federatsııasy endi onyń kandıdatýrasyn qarastyrmaıtyn boldy.

Dıde Desham Frantsııa quramasyn 2012 jyldan beri jattyqtyryp keledi. Óz komandasymen 2016 jyly Eýropa birinshiliginiń fınalyna shyqty. Al, tórt jyl buryn álem chempıony atandy.

Eske sala keteıik, budan buryn Portýgalııa jeńilgennen keıin Krıshtıaný Ronaldýdyń kóz jasyna erik bergenin jazǵan bolatynbyz.

Sondaı-aq, Marokko qaqpashysy Portýgalııamen matchtyń úzdik oıynshysy atandy.

Frantsııa qaqpashysy Ýgo Lorıs óz eliniń rekordyn jańartty.

Anglııany utqan Frantsııa ½ fınalǵa shyqqan sońǵy komanda boldy.

Frantsııa oıynshysy Antýan Grızmann óz eliniń tarıhynda úzdik pas berýshi atandy.

Fýtbol koroli Pele Brazılııa shabýylshysy Neımarǵa qoldaý bildirdi.