Qatar-2022: Fınalǵa ekinshi joldama kimge buıyrady

ASTANA. QazAqparat – Qatarda ótip jatqan fýtboldan 2022 jylǵy álem chempıonatynda búgin, 14 jeltoqsanda Frantsııa men Marokko quramalary fınalǵa beriletin ekinshi joldamany sarapqa salady, dep habarlaıdy QazAqparat tilshisi.

Kezdesý elorda ýaqytymen jeltoqsannyń 14-inen 15-ine qaraǵan túni saǵat 1:00-de bastalady.

Tikeleı efır «Qazaqstan» jáne «Qazsport» telearnalarynan kórsetiledi.

Oıyn El-Haýr qalasyndaǵy 68 myńǵa jýyq adamǵa arnalǵan «El-Baıt» stadıonynda ótedi.

Bas tóreshi – meksıkalyq Sesar Artýro Ramos. Oǵan otandastary Alberto Morın Mendes pen Mıgel Anhel Ernandes Paredes kómekshilik jasaıdy. Qosalqy tóreshi – venesýelalyq Hesýs Valensýela.

FIFA reıtınginde Argentına – 4, Horvatııa 22-orynda tur.

Eki qurama buǵan deıin bes márte kezdesti. Onyń úsheýinde Frantsııa jeńiske jetse, eki oıynda teń nátıje tirkeldi.

Toptyq kezeńde D tobynda oınaǵan Frantsııa Avstralııadan 4:1, Danııadan 2:1 esebimen basym tússe, Týnıske 0:1 esebimen jol berdi.

Al, 1/8 fınalda Polshany 3:1, 1/4 fınalda Anglııany 2:1 esebimen tize búktirdi.

Toptyq kezeńde F tobynda synǵa túsken Marokko Horvatııamen 0:0 esebimen teń oınap, Belgııany 2:0, Kanadany 2:1 esebimen jeńdi. 1/8 fınalda Ispanııamen 0:0 esebimen teń oınap, penaltı tebýden mergendik tanytty.

Al, shırek fınalda Portýgalııany 1:0 esebimen jeńdi.

Eske salsaq, fınalǵa berilgen alǵashqy joldamaǵa Argentına quramasy ıe boldy.

Foto: Dmıtrıı Golýbovıch/championat.com