ASTANA. QazAqparat – Qatarda fýtboldan ótip jatqan álem chempıonatyna qatysqan Brazılııa quramasynyń bas bapkeri Tıte ornyn bosatty, dep habarlaıdy QazAqparat tilshisi.
TNT Sports málim etkenindeı, bapker óz komandasy shırek fınalda Horvatııadan jeńilip qalǵannan keıin qyzmetinen ketetinin aıtty.
Tıte Brazılııa tizginin 2016 jyldan beri ustady. Onyń basshylyǵymen pentakampeondar álem chempıonatynyń eki ret shırek fınalyna deıin jetti.
Osydan tórt jyl buryn Tıte shákirtteri ¼ fınalda Belgııadan utylyp qalsa, bul joly horvatııalyqtarǵa penaltı serııasynda jol berdi.
Brazılııa 2002 jyly fınalda Germanııany jeńgennen keıin eýropalyq komandalarmen kezdesýlerde joly bolmaı júr. Olar pleı-off básekesinde sońǵy alty matchta eýropalyqtarǵa ese jiberdi.
Eske sala keteıik, budan buryn Ispanııa quramasynyń bas bapkeri aýysqanyn jazǵan bolatynbyz.
Sondaı-aq Horvatııa Brazılııany jeńip, jartylaı fınalǵa joldama aldy.
Foto: GOLÝBOVICh DMITRII, «ChEMPIONAT»
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).