Qatar-2022: bir matchta eki gol soqqan ońtústikkoreıalyq fýtbolshy rekord ornatty

ASTANA. QazAqparat – Qatarda fýtboldan ótip jatqan álem chempıonatynda Ganamen ótken matchta eki gol soqqan ońtústikkoreıalyq Chho Ge Sýn rekord ornatty, dep habarlaıdy QazAqparat tilshisi.

H tobynda Gana – Ońtústik Koreıa kezdesýinde 24 jastaǵy Chho Ge Sýn 58-inshi jáne 61-mınýtta qanjyǵasyn maılady.

Osylaısha, ol álem chempıonaty oıynynda qos gol soqqan alǵashqy ońtústikkoreıalyq fýtbolshy atandy. Sonymen qatar ol bir kezdesýde eki ret qaqpaǵa baspen dop kirgizgen birinshi azııalyq oıynshy boldy.

Soǵan qaramastan, Ońtústik Koreıa Ganadan 2:3 esebimen jeńilip qaldy. Endi úshinshi týrda ońtústikkoreıalyqtar 2 jeltoqsanda Portýgalııamen sheberlik baıqasady.

Eske sala keteıik, budan buryn Horvatııanyń Kanadany iri eseppen utqanyn jazǵan bolatynbyz.

Sondaı-aq Ispanııa men Germanııa quramalary teń tarqasty.

Kamerýn men Serbııa teń tústi.

Shveıtsarııany utqan Brazılııa pleı-off kezeńine joldama aldy.

Ashyq kózderden alynǵan foto