Qatar-2022: Belgııa jarysty jalǵastyra ala ma

ASTANA. QazAqparat – Qatarda ótip jatqan fýtboldan 2022 jylǵy álem chempıonatynda búgin F tobynda úshinshi týr oıyndary ótkiziledi, dep habarlaıdy QazAqparat tilshisi.

Atalǵan toptaǵy eki oıyn da elorda ýaqytymen 21:00-de bastalady.

Bul topta úsh quramanyń jarysty jalǵastyrý múmkindigi bar. Eki oıynnan keıin Horvatııa men Marokkonyń - 4, Belgııanyń - 3 upaıy bar. Birde-bir upaıǵa qol jetkizbegen kanadalyqtar joldamaǵa talasa almaıdy.

Horvatııa men Belgııa kezdesýi «Qazaqstan» telearnasynan tikeleı efırde kórsetiledi.

Kezdesý Al-Raıan qalasyndaǵy 45032 jankúıerge arnalǵan «Ahmed bın Alı» stadıonynda ótkiziledi.

Bas tóreshi - anglııalyq Entonı Teılor. Oǵan otandastary - Garı Besvık pen Adam Nann kómekshilik jasaıdy. Qosalqy tóreshi - rýmynııalyq Ishtvan Kovach.

FIFA reıtınginde Horvatııa - 12, Belgııa 22-orynda tur.

Eki qurama buǵan deıin 8 márte kezdesti. Olar úsh-úshten jeńiske jetse, eki kezdesý teń aıaqtaldy.

Kanada men Marokko kezdesýi «Qazsport» telarnasynan tikeleı efırde kórsetiledi.

Oıyn el astanasy - Doha qalasyndaǵy 44400 jankúıerge arnalǵan «El-Týmama» stadıonynda ótkiziledi.

Bas tóreshi - brazılııalyq Rafael Klaýs. Oǵan otandastary - Rodrıgo Enrıke Korreıa men Danılo Sımon Manıs kómekshilik jasaıdy. Qosalqy tóreshi - japonııalyq Esımı ıAmasıta.

FIFA reıtınginde Kanada - 41, Marokko 22-orynda tur.

Eki qurama buǵan deıin úsh márte kezdesti. Onyń bireýinde teń nátıje tirkelse, ekeýinde marokkolyqtar jeńiske jetti.

Aıta ketsek, buǵan deıin jarystyń 1/8 fınalyna Frantsııa, Avstralııa, Brazılııa, Portýgalııa, Nıderland, Senegal, Anglııa, AQSh, Argentına, Polsha quramalary joldama aldy.

Foto: Getty Images