Qatar-2022: Argentına óz tobynan birinshi orynmen pleı-ofqa ótti
Bul topta Polshada 4, Argentına men Saýd Arabııasynda 3, Meksıka qorjynynda 1 upaı bar edi.
Sondyqtan pleı-off kezeńine ótý úshin úshinshi týr qaı komanda úshin de asa mańyzdy edi.
Argentınany Lıonel Messı bastasa, Polsha quramynda Robert Levandovskıdeı surmergen bar-dy.
Polıaktarǵa teń oıyn jetkilikti bolsa, argentınalyqtarǵa jeńis aýadaı qajet edi. Birinshi taımda nıderlandylyq tóreshi Dannı Makkelı Polsha qaqpashysy Voıtseh Şensny Messıge qarsy tártip buzdy dep eseptep, 11 metrlik aıyp dobyn belgiledi. Biraq Voıtseh Şensny Saýd Arabııasymen ótken kezdesýdegideı erlik jasap, bul joly 39-mınýtta Messıdiń soqqysyn qaıtara bildi.
Ekinshi kezeń bastalysymen, oń qanatta ádemi uıymdastyrylǵan shabýyldan keıin Naýel Molınadan pas alǵan argentınalyq Aleksıs Makallıster 46-mınýtta esep ashty – 1:0. Ońtústikamerıkalyqtar munymen toqtaǵan joq. 68-mınýtta Entso Fernandesten pas alǵan Hýlıan Alvares toǵyzdyqty dál kózdedi – 2:0.
Osylaısha, S tobynda 6 upaı jınaǵan Argentına birinshi orynǵa ıe boldy. Lıonel Skalonıdiń shákirtteri 1/8 fınalda Aýstralııany synap kóredi.
Jeńilip qalǵanyna qaramastan, Polsha quramasy da kelesi kezeńge ótti. Polıaktar Frantsııamen sheberlik baıqasady.
Eske sala keteıik, budan buryn Iran-AQSh matchy nesimen álem nazaryn aýdaryp otyrǵanyn jazǵan bolatynbyz.
Sondaı-aq Ekvadordy joldan taıdyrǵan Senegal pleı-ofqa shyqty.
Nıderland quramasynyń shabýylshysy óz eliniń rekordyn ornatty.
Irandy jeńgen AQSh pleı-ofqa joldama aldy.
Krıshtıaný Ronaldý saýdııalyq «Al-Nasr» klýbyna aýysýy múmkin.
Frantsııa shabýylshysy Kılıan Mbappe Týnıspen oıynǵa qatyspaýy múmkin.
Týnısten utylǵan Frantsııa óz tobynda birinshi orynǵa ıe boldy.
Álem chempıonattarynda match ótkizý jóninen Messı Maradonanyń rekordyn jańartty.
Foto: Clive Brunskill / Staff / Getty Images Sport / Gettyimages.ru