Qatar-2022: Argentına quramasy Avstralııany jeńe ala ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda búgin 1/8 fınalyndaǵy ekinshi kezdesýde Argentına-Avstralııa quramalary kezdesedi, dep habarlaıdy QazAqparat tilshisi.

Kezdesý elorda ýaqytymen 1.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Oıyn Al-Raıan qalasyndaǵy 45032 jankúıerge arnalǵan «Ahmed bın Alı» stadıonynda ótkiziledi. Bas tóreshi - polshalyq Shımon Martsınıak. Oǵan otandastary Pavel Sokolnıtskı men Tomash Lıstkevıch kómekshilik jaasıdy.. Qosalqy tóreshi - gvatemalalyq Marıo Eskobar.

FIFA reıtınginde Argentına - 3, Avstralııa 38-orynda tur.

Toptyq kezeńde Argentına S tobynda alty upaımen birinshi oryn aldy. Olar aldymen Saýd Arabııasynan 1:2 esebimen jeńilip, Meksıka men Polshadan 2:0 esebimen basym tústi.

Al D tobynda Avstralııa alty upaımen ekinshi oryndy qanaǵat tutty. Olar Frantsııadan 1:4 esebimen jeńilip, Týnıs pen Danııany 1:0 esebimen tize búktirdi.

Eki qurama buǵan deıin jeti márte kezdesti. Onyń beseýinde argentınalyq, bireýinde avstralııalyq fýtbolshylar jeńiske jetse, bir kezdesý teń nátıjemen aıaqtaldy.

Sondaı-aq, elorda ýaqytymen 21.00-de Nıderland pen AQSh kezdesýi «Qazaqstan» men «Qazsport» telearnalarynan kórsetiledi.

Eske salsaq, álem chempıonatynyń 1/8 fınalyna shyqqan quramalar anyqtaldy.

Foto: Dan Mullan/Getty Images