Qatar-2022: Anglııa shırek fınalǵa shyǵa ala ma

ASTANA. QazAqparat – Qatarda ótip jatqan fýtboldan 2022 jylǵy álem chempıonatynda búgin 1/8 fınalynyń ekinshi oıyn kúninde Anglııa men Senegal quramalary kezdesedi, dep habarlaıdy QazAqparat tilshisi.

Kezdesý elorda ýaqytymen 1.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Oıyn El-Qaýr qalasyndaǵy 68 965 jankúıerge arnalǵan «El-Baıt» stadıonynda ótkiziledi. Bas tóreshi – salvadorlyq Ivan Barton. Oǵan otandasy Davıd Moran Santos pen AQSh-tan barǵan Ketı Nesbıtt kómekshilik jasaıdy. Qosalqy tóreshi – gondýrastyq Saıd Martınes.

FIFA reıtınginde Anglııa - 5, Senegal 18-orynda tur.

Eki qurama óziniń tarıhynda tuńǵysh márte kezdesip otyr.

Toptyq kezeńde Anglııa V tobynda oıyn kórsetti. Irandy 6:2, Ýelsti 3:0 esebimen jeńip, AQSh-pen 0:0 esebimen aıaqtady.

Al, Senegal A tobynda Qatardy 3:1, Ekvadordy 2:1 esebimen jeńip, Nıderlandqa 0:2 esebimen jeńildi.

Sondaı-aq, 4 jeltoqsanda elorda ýaqytymen 21.00-de Frantsııa men Polsha kezdesýi «Qazaqstan» men «Qazsport» telearnalarynan kórsetiledi.

Eske salsaq, 3 jeltoqsanda shırek fınalǵa shyqqan eki qurama anyqtaldy.

Foto: GETTY IMAGES