Qatar-2022: Anglııa quramasy Senegaldy jeńip, 1/4 fınalǵa joldama aldy

ASTANA. QazAqparat - Qatarda ótip jatqan fýtboldan 2022 jylǵy álem chempıonaty 1/8 fınalynyń tórtinshi kezdesýinde Anglııa men Senegal quramalary oınady, dep habarlaıdy QazAqparat tilshisi.

Kezdesý barysynda quramalar tezirek gol soǵýǵa tyrysqan edi. Dese de, bir-biriniń qaqpasyna jasalǵan shabýyldar aıaqsyz qalyp jatty.

Osyndaı sátterdiń birinde anglııalyq Djordan Henderson 38-mınýtta soqqan gol óz quramasyn alǵa shyǵardy.

Oıynnyń 48-mınýtynda Garrı Keın mergendik tanytyp, Tumandy Albıon eli quramasynyń basymdyǵyn arttyrdy.

Al 57-mınýtta Býkaıo Saka qorytyndy esepti belgiledi.

Osylaısha Anglııa qarsylasynan 3:0 esebimen basym tústi.

Anglııa quramasy álemdik mýndıalda jeńimpaz bolýdy aldyna maqsat etip qoıǵan jaıy bar.

Aǵylshyndar mundaı jetistikke jalǵyz ret - sonaý 1966 jyly qol jetkizdi. Chempıon atanýǵa quramanyń barlyq múmkindigi bar.

Eske salsaq, 4 jeltoqsanda taǵy bir kezdesýde Frantsııa Polshany tize búktirip, shırek fınalǵa shyqty.

Endi aǵylshyn fýtbolshylary jarystyń atalǵan satysynda 10 jeltoqsanda Frantsııamen kezdesedi.

Sondaı-aq, jarystyń atalǵan satysyndaǵy taǵy bir kezdesýde 9 jeltoqsanda Nıderland pen Frantsııa quramalary kezdesedi.

Al 5 jeltoqsanda 1/8 fınalda Brazılııa men Ońtústik Koreıa, Japonııa men Horvatııa quramalary synǵa túsedi.

6 jeltoqsanda Portýgalııa men Shveıtsarııa, Marokko men Ispanııa baq synaıdy.

Foto: thesun.co.uk