Qasym-Jomart Toqaevtyń senimdi ókilderi Shymkentte jastar forýmyna qatysty

NUR-SULTAN. QazAqparat - Búgin Qazaqstan Prezıdenttigine kandıdat Qasym-Jomart Toqaevtyń Respýblıkalyq qoǵamdyq shtabynyń músheleri úgit-nasıhat jumystaryn Shymkent qalasynda jalǵastyrdy. Bul týraly shtabtyń baspasóz qyzmeti habarlady.

Qala jurtshylyǵymen kezdesken shtab músheleri kandıdattyń saılaýaldy baǵdarlamasyna toqtalyp, atalǵan qujatta bilim berý salasyn jetildirýge erekshe kóńil bólingenin aıtty.

Odan bólek, Q.Toqaevtyń qaıratkerlik tulǵasyna toqtalǵan shtab músheleri kandıdattyń tájirıbeli saıasatker ekenin aıtty.

Shymkent - Qazaqstandaǵy eń jas megapolıs jáne jastar qalasy. Osyǵan oraı Q.Toqaevtyń senimdi ókilderi Respýblıkalyq shtabtyń «TeamQazaqstan» jastar qanatynyń forýmyna qatysty. Úsh myńnan astam jastyń basyn qosqan is-sharada elimizdiń belgili óner, sport jáne mádenıet juldyzdary pikir bildirip, Elbasy saıasatynyń sabaqtastyǵyn qoldaıtyndaryn aıtty. Sondaı-aq jastarmen kezdesýde kandıdattyń jas býynǵa úlken kóńil bólip otyrǵany keńinen aıtyldy.

Budan keıin shtab músheleri «Ońtústik» arnaıy ekonomıkalyq aımaǵy men «Tassaı» ındýstrıaldy aımaǵynda ornalasqan kásiporyndardyń eńbek ujymdarymen kezdesti.