Qasym-Jomart Toqaevtyń atyna túsip jatqan quttyqtaýlar jalǵasýda
Máselen, Estonııa Respýblıkasynyń Prezıdenti Kerstı Kalıýlaıd Qasym-Jomart Toqaevty Qazaqstan Prezıdenti bolyp saılanýyna oraı quttyqtap, ekijaqty qarym-qatynastardyń odan ári damı beretinine senim bildirgen.
«Elderimiz arasyndaǵy syndarly jáne dostyq qatynastardy aldaǵy ýaqytta odan ári nyǵaıtamyz dep úmittenemin», - delingen jedelhatta.
Brazılııa Federatıvtik Respýblıkasynyń Prezıdenti Jaır Bolsonarý Qazaqstan Prezıdenti Qasym-Jomart Toqaevqa joldaǵan quttyqtaýynda: «Brazılııa men Qazaqstan halyqtaryn berik dostyq qatynastar men yntymaqtastyq baılanystyrady. Bizdiń sońǵy 25 jyl ishinde qalyptastyrǵan seriktestigimiz ortaq qundylyqtar men maqsattarǵa negizdelgen. Halqymyzdyń ıgiligine arnalǵan birlesken jobalardy júzege asyrý úshin Ózińizben birge jumys isteýge daıynmyn», - dep atap ótken.
Eýropadaǵy qaýipsizdik jáne yntymaqtastyq uıymynyń Bas hatshysy Tomas Gremınger Qazaqstan Prezıdenti Qasym-Jomart Toqaevty quttyqtaı otyryp, ózara tıimdi yqpaldastyqtyń odan ári keńeıe túsetinine senim bildirgen.
«Men EQYU keńistigindegi keshendi qaýipsizdikti ilgeriletý barysynda Sizdiń qoldaýyńyzǵa senemin. Sondaı-aq, bizdiń áriptestigimiz Ortalyq Azııadaǵy beıbitshilik pen turaqtylyqtyń odan ári nyǵaıa túsýine septigin tıgizetinine úmittenemin», - dep atap ótken Tomas Gremınger.
Eýropalyq Parlamenttiń múshesi Andreı Mamykın Qasym-Jomart Toqaevqa joldaǵan quttyqtaý hatynda Memleket basshysynyń Qazaqstandy damytyp, alǵa qoıǵan aýqymdy maqsattaryn iske asyratynyna senimdilik tanytqan.
«Eýropalyq Parlamenttiń múshesi retinde men Qazaqstannyń saıası, ekonomıkalyq jáne mádenı máselelerimen aınalysý mártebesine ıe boldym. Sizdiń elińizdiń halyqaralyq arenadaǵy damý qarqyny men belsendiligi jóninde Eýropanyń keń aýqymdy aýdıtorııasyna únemi aıtyp kelemin», - dep jazǵan A.Mamykın.
Sondaı-aq, quttyqtaý hattaryn Dúnıejúzilik densaýlyq saqtaý uıymynyń Bas dırektory Tedros Adhanom Gebreıesýs, Dúnıejúzilik saýda uıymynyń Bas dırektory Roberto Azevedo, Davostaǵy Dúnıejúzilik ekonomıkalyq forýmnyń Prezıdenti Klaýs Shvab, BUU Bas hatshysynyń orynbasary jáne BUU-nyń Eýropalyq ekonomıkalyq komıssııasynyń Atqarýshy hatshysy Olga Algaerova, Qyzyl krest halyqaralyq komıtetiniń Prezıdenti Peter Maýrer, Halyqaralyq elektr baılanysy odaǵynyń Bas hatshysy Hoýlın Chjao, BUU-nyń Jenevadaǵy bóliminiń Bas dırektory Mıhael Meller, BUU Bas hatshysynyń Taıaý Shyǵys pen Ortalyq Azııadaǵy gýmanıtarlyq áriptestik jónindegi kómekshisi Rashıd Halıkov, BUU ESKATO-nyń atqarýshy hatshysy, BUU Bas hatshysynyń orynbasary Armıda Salsıah Alısdjabana, BUU Ónerkásiptik damý uıymynyń Bas dırektory Lı ıÝn, BUU saýda jáne damý jónindegi konferentsııasynyń Bas hatshysy Mýhısa Kıtýıı, BUU Bas hatshysynyń Ortalyq Azııa jónindegi ókili, aımaqtyq ortalyqtyń Basshysy Natalıa German, BUU-nyń Venadaǵy bóliminiń Bas dırektory ıÝrıı Fedotov, Bas dırektordyń orynbasary, Eýropa men Ortalyq Azııadaǵy aımaqtyq ókili Vladımır Rahmanın, Dúnıejúzilik týrıstik uıymynyń Bas hatshysy Zýrab Pololıkashvılı joldady