Qasym-Jomart Toqaevty qoldaý jónindegi shtab úgit-nasıhat jumysyn bastady
«Búgin 21 qazan saǵat 18.00-de QR Prezıdenttigine kandıdat Qasym-Jomart Toqaevty qoldaý jónindegi respýblıkalyq qoǵamdyq shtab elimizdiń barlyq óńirinde úgit-nasıhat naýqanyn bastady. Respýblıkalyq qoǵamdyq shtabqa 3 parlamenttik saıası partııadan jáne 22 respýblıkalyq qoǵamdyq uıymdardan turatyn halyqtyq koalıtsııanyń ókilderi kirdi», - delingen habarlamada.
Resmı aqparatta aıtylǵandaı, halyqtyq koalıtsııa belsendileri elimizdiń barlyq óńirinde úgit-nasıhat materıaldaryn BAQ pen áleýmettik jelilerge jarııalaýdy bastady.
«Erteń respýblıkalyq qoǵamdyq shtabtyń alǵashqy otyrysy ótedi. Sonymen qatar, kelesi aptadan bastap shtab músheleri saılaýshylarmen kezdesý úshin aımaqtarǵa barady. Sondaı-aq, kandıdat Qasym-Jomart Toqaevty qoldaý jónindegi respýblıkalyq qoǵamdyq shtab áleýmettik jelilerde jeke paraqshalar ashty. Onda shtabtyń is-sharalary, saılaýshylarmen kezdesýler týraly barlyq aqparat jáne ózge de úgit-nasıhat materıaldary jarııalanady», - dep habarlaıdy shtabtan.