Qasym-Jomart Toqaev: Jańa Qazaqstannyń búgingi beınesi Áz Naýryzben tolyq úndesedi

ASTANA. QazAqparat – Jańa Qazaqstannyń búgingi beınesi Áz Naýryzben tolyq úndesedi. Bul týraly elordadaǵy «Táýelsizdiktiń 25 jyldyǵy» monýmenti janyndaǵy alańda Naýryz meıramyna arnalǵan merekelik is-sharaǵa qatysqan Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Jańa Qazaqstannyń búgingi beınesi Áz Naýryzben tolyq úndesedi, ıaǵnı Ulystyń uly kúninde qasıetti Otanymyz múlde jańa sıpatqa ıe boldy. Muny dúnıe júziniń kóptegen elderi moıyndap otyr. Endi saıası júıesi tolyq jańǵyrǵan elimiz tyń qarqynmen damıdy. Bul reformalar ekonomıkanyń ósýine, halyq tabysynyń artýyna jol ashady. Reformalar mindetti túrde jalǵasyn tabady. Biz jan-jaqty damyǵan qýatty memleket bolamyz! Bul – negizgi maqsatymyz», - dedi Prezıdent.

Qasym-Jomart Toqaev el azamattarynyń kózqarasy ártúrli bolǵanymen, barlyǵynyń tilegi bir ekendigin basa aıtty.

«Bul – eldiń amandyǵy, memlekettiń jarqyn bolashaǵy. Biz osy ortaq maqsat jolynda jumylamyz.

Alda atqaratyn jumys kóp. Birligimizdi bekemdep, bir el bolyp iske kirissek, alynbaıtyn asý joq. Men jasampaz halqymyzdyń keleshegi jarqyn bolady dep senemin. Memlekettiń múddesi – bárinen bıik», - dedi Memleket basshysy.