Qasym-Jomart Toqaev Úkimetke shekaralas aımaqtardy damytý jónindegi usynys engizýdi tapsyrdy

NUR-SULTAN. QazAqparat – Ulttyq qoǵamdyq senim keńesiniń 6-otyrysynda QR Prezıdenti Qasym-Jomart Toqaev Úkimetke shekaralas aımaqtardy damytý jónindegi usynys engizýdi tapsyrdy, dep habarlaıdy QazAqparat tilshisi.

«Qoǵamda jıi aıtylyp júrgen taǵy bir másele – shekaralas aımaqtardy damytý. Bul taqyrypty Ulttyq keńes múshesi, Májilis depýtaty Erlan Saırov kótergen bolatyn. Sońǵy kezde shekara boıyndaǵy eldi mekenderde halyq sany azaıyp bara jatqany jasyryn emes. Munyń ózindik sebepteri bar. Biraq, shekara mańyn bos qaldyrýǵa bolmaıdy. Bul ulttyq qaýipsizdikke tikeleı qatysy bar másele. Ony júıeli túrde sheshý qajet. Qomaqty qarajat kerek bolady. Úkimetke muny jan-jaqty qarastyryp, shekaralas aımaqtardy damytý jónindegi usynys engizýdi tapsyramyn», - dedi Qasym-Jomart Toqaev.