Qasym-Jomart Toqaev Túrki memleketteri uıymyna múshe elder ókilderin Eriktiler forýmyna shaqyrdy

ANKARA. QazAqparat – «Uıymymyzǵa múshe elderdiń ókilderin bıyl Astanada ótetin Eriktiler forýmyna shaqyramyn». QR Prezıdenti Qasym-Jomart Toqaev Túrki memleketteri uıymynyń «Apat jáne tótenshe jaǵdaılar menedjmenti, gýmanıtarlyq kómek» atty kezekten tys sammıtinde osyndaı usynys aıtty, dep habarlaıdy QazAqparat Aqordaǵa silteme jasap.

«Joıqyn jer silkinisi elimizdiń azamattaryn da beı-jaı qaldyrmady. Bizdiń halqymyz baýyrlarymyzdyń basyna túsken qıyndyqty birge kóterýge atsalysty.

Qazaqta «Asar» degen jaqsy uǵym bar. Jurt birlesip, muqtaj janǵa kómek qolyn sozady. Osy maqsatta Qazaqstannan Anadoly eline kóptegen erikti kelip, aıanbaı eńbek etti. Olar – el basyna aýyrtpalyq túskende alǵy shepte bolatyn shynaıy patrıot azamattar, jany taza adamdar.

Eriktilerdi ortaq iske jumyldyrý asa mańyzdy. Sondyqtan, men Uıymymyzǵa múshe elderdiń ókilderin bıyl Astanada ótetin Eriktiler forýmyna shaqyramyn», - dedi Prezıdent.

Eske salsaq, keshe túnde Qasym-Jomart Toqaev TMU-nyń kezekten tys sammıtine qatysý úshin Ankaraǵa jumys saparymen bardy.

Búgin Memleket basshysy Túrkııa Prezıdenti Rejep Taııp Erdoǵanmen kezdesti.