Qasym-Jomart Toqaev Tuńǵysh Prezıdentti «Altyn juldyz» ordenimen marapattady

ASTANA. QazAqparat - Búgin Respýblıka Prezıdenti ókilettigin ýaqytsha atqarýǵa kirisken Qasym-Jomart Toqaev QR Tuńǵysh Prezıdenti - Elbasy Nursultan Nazarbaevty «Altyn juldyz» ordenimen marapattady, dep habarlaıdy QazAqparat tilshisi.

«Asa qadirli Elbasy, jınalǵan qaýym! Meniń QR Prezıdenti qyzmetimdegi birinshi sheshimim «QR Tuńǵysh Prezıdenti - Elbasy týraly» Konstıtýtsııalyq zańǵa jáne «Memlekettik nagradalar» týraly zańǵa sáıkes, Táýelsiz Qazaqstandy ornatýdaǵy tarıhı úlesi, ekonomıkalyq jáne áleýmettik jáne gýmanıtarlyq damytýdaǵy, qazaqstandyq qoǵamdy toptastyrýdaǵy asa úzdik eńbegi úshin QR Tuńǵysh Prezıdenti - Elbasy Nursultan Nazarbaevqa aıryqsha erekshelik belgisi «Altyn juldyz» ordenin tapsyra otyryp, «Halyq qaharmany» ataǵyn beremin», - dedi Q.Toqaev.