Qasym-Jomart Toqaev «Taza tabıǵat» jobasyn júzege asyrýdy usyndy

NUR-SULTAN. QazAqparat – Memleket basshysy Qasym-Jomart Toqaev Taza tabıǵat» jobasyn júzege asyrýdy usyndy. Bul týraly ol Táýelsizdiginiń 30 jyldyǵyn merekeleýge daıyndyq jónindegi memlekettik komıssııanyń birinshi otyrysynda aıtty, dep habarlaıdy QazAqparat.

Memleket basshysy eldegi kórikti jerlerdiń jyl ótken saıyn jutańdanyp bara jatqanyna alańdap, «Taza tabıǵat» jobasyn júzege asyrýdy usyndy. Ekologııalyq bastamalar jyl saıynǵy turaqty jumysqa ulasyp, ómir saltyna aınalýy shart ekenin jetkizdi. Osy rette Ulystyń uly kúnin jańasha atap ótý týraly oıymen bólisti.

«Babalarymyz Áz Naýryz kelgende bulaqtyń kózin ashyp, aǵash otyrǵyzǵan. Osy tamasha dástúrdi jańa qarqynmen jalǵastyraıyq. Tabıǵatty tazalap, qorshaǵan ortany kógaldandyrýdy qolǵa alaıyq. Mundaı sharalardy barlyq aımaqta uıymdastyrýymyz qajet. Bul – ata saltymyz ári urpaqqa ekologııalyq tárbıe berýdiń eń tıimdi joly», – dedi Prezıdent.