Qasym-Jomart Toqaev Syrtqy ister mınıstrin qabyldady

NUR-SULTAN. QazAqparat - Qazaqstan Prezıdenti Syrtqy ister mınıstri Muhtar Tileýberdini qabyldady, dep habarlaıdy Aqordanyń baspasóz qyzmeti.

Mınıstr Memleket basshysyna AQSh-qa jasaǵan resmı saparynyń negizgi nátıjeleri men bıylǵy 15-16 jeltoqsanda Madrıdte ótken «Azııa-Eýropa» Syrtqy ister mınıstrleri forýmynyń 14-keńesine qatysqany jóninde baıandady.

Muhtar Tileýberdiniń aıtýynsha, kelissóz barysynda AQSh-tyń Memlekettik hatshysy Maık Pompeo Amerıka Qurama Shtattarynyń Qazaqstandy óńirdegi senimdi seriktesi ári óńirlik qaýipsizdikti qamtamasyz etý isindegi negizgi áriptesi sanaıtynyn aıtty.

«Azııa-Eýropa» forýmynyń qatysýshylary Azııa men Eýropa elderin baılanystyratyn jáne kólik joldaryn damytýǵa yqpal etetin Qazaqstannyń tranzıttik áleýetin joǵary baǵalady.

2020 jylǵa arnalǵan halyqaralyq kún tártibin talqylaý barysynda Qasym-Jomart Toqaev Qazaqstan Respýblıkasynyń syrtqy saıasatyndaǵy basym baǵyttar jóninde birqatar naqty tapsyrma berdi.