Qasym-Jomart Toqaev ShYU sammıtinde yntymaqtastyq máseleleri boıynsha sóz sóıleıdi
«Búgin Shanhaı yntymaqtastyǵy uıymy sammıtiniń aıasynda Qazaqstan Prezıdenti Qasym-Jomart Toqaev Bishkekte shaǵyn jáne keńeıtilgen quramdaǵy jıyndarǵa qatysady. ShYU keńeıtilgen otyrysynda Qazaqstan Prezıdenti aımaqtyq jáne Uıym sheńberindegi yntymaqtastyq máseleleri boıynsha sóz sóıleıdi»,-dep jazdy ol.
Sammıt jumysy saǵat 12:00-de Habar24 arnasynan tikeleı efırde kórsetiledi.
Aıta keteıik, Qyrǵyzstan astanasy Bishkekte búgin Shanhaı yntymaqtastyq uıymyna múshe memleketter basshylary keńesiniń 19-otyrysy ótip jatyr.
Onda Shanhaı yntymaqtastyǵy uıymynyń damýy, jaı-kúıi men keleshegi týraly pikir almasylyp, óńirlik jáne halyqaralyq deńgeıdegi ózekti máseleler talqyǵa túsedi.
Jııynǵa Qyrǵyz Prezıdenti S.Jeenbekov tóraǵalyq jasaıdy.
Keńeske Qazaqstan Prezıdenti Qasym-Jomart Toqaevpen qatar Úndistan Premer-Mınıstri Narendra Modı, QHR Tóraǵasy Sı Tszınpın, Reseı Prezıdenti V.Pýtın, Pákistan Premer-Mınıstri Imran Han, Ózbekstan Prezıdenti Sh. Mırzıeev, Tájikstan Prezıdenti E.Rahmon, sondaı-aq Aýǵanstan Prezıdenti A.Ganı, Belarýs Prezıdenti A.Lýkashenko, Iran Prezıdenti H.Rýhanı, Mońǵolııa Prezıdenti H.Battýlga qatysady.