Qasym-Jomart Toqaev shtaby Almaty oblysyn aralap júr
Qazaqstan Prezıdenttigine kandıdat Qasym-Jomart Toqaevtyń respýblıkalyq qoǵamdyq shtaby úgit-nasıhat jumystarynyń qorytyndy aptasyn Almaty oblysynan bastady.
Shtab músheleri aldymen Taldyqorǵan qalasynda ornalasqan B.Rımova atyndaǵy drama teatrda oblys jurtshylyǵymen kezdesti. Іs-sharaǵa bilim, densaýlyq saqtaý, mádenıet jáne sport salalarynyń mamandarymen birge jergilikti jastar da qatysty. Kezdesýde shtab basshysy Máýlen Áshimbaev kandıdattyń saılaýaldy baǵdarlamasynyń basymdyqtaryna toqtalyp, Q.Toqaevtyń negizgi ustanymdary jóninde áńgimeledi.
Óz kezeginde shtab múshesi Baqytjan Jumaǵulov kandıdattyń bilim sapasyn jaqsartýǵa basymdyq berip otyrǵanyn tilge tıek etti.
Shtab músheleri Tekeli qalasyna da arnaıy baryp, jergilikti jurtshylyqpen júzdesti. Munda baǵdarlamada aıtylǵan aımaqtardyń birkelki damýy men óńirlerdiń áleýmettik áleýetin arttyrý máselesi sóz boldy.
Odan bólek, shtab músheleri oblystyń zııaly qaýym ókilderimen, aqsaqaldar alqasymen jáne birqatar eńbek ujymdarymen kezdesip, úgit-nasıhat jumystaryn júrgizdi.