Qasym-Jomart Toqaev Sheteldik ınvestorlar keńesiniń jańa múshelerin tanystyrdy

NUR-SULTAN. QazAqparat - QR Prezıdenti janyndaǵy Sheteldik ınvestorlar keńesiniń músheleri aýysty. Jańa múshelerdi búgin Sheteldik ınvestorlar keńesiniń 32-shi jalpy otyrysynda QR Prezıdenti Qasym-Jomart Toqaev tanystyrdy, dep habarlaıdy QazAqparat tilshisi.

«Keńestiń jańa músheleri Baker McKenzie International tóraǵasynyń orynbasary, sonymen qatar Jahandyq atqarý komıtetiniń múshesi Konstants Ýlmer-Aılfortke, «Doıche banki» Ortalyq jáne Shyǵys Eýropa boıynsha óńirlik basqarmasynyń atqarýshy dırektory Iorg Bongarttske, METRO AG atqarýshy dırektory Fılıpp Palatstsıge, Petro China Company limited qytaı ulttyq munaı korporatsııasynyń vıtse-prezıdenti Ho Tszıtszıýnge qoshemetimdi bildiremin», - dedi Memleket basshysy.

Sonymen qatar QR Prezıdenti búgingi otyrysqa qatysa almaǵan keńestiń jańa músheleri Mitsubishi Corp. aǵa vıtse-prezıdenti Isao Kanony, CitiGroup-tyń Eýropa, Taıaý Shyǵys jáne Afrıka boıynsha atqarýshy dırektory Devıd Lıvengstoýndy quttyqtady.

Aıta keteıik, elordadaǵy Táýelsizdik saraıynda Qazaqstan Respýblıkasynyń Prezıdenti Qasym-Jomart Toqaevtyń tóraǵalyǵymen Sheteldik ınvestorlar keńesiniń 32-shi jalpy otyrysy ótip jatyr.