Qasym-Jomart Toqaev saılaýǵa túse me - Prezıdenttiń baspasóz hatshysynyń jaýaby
15:53, 09 Sáýir 2019
NUR-SULTAN. QazAqparat - Memleket basshysynyń baspasóz hatshysy Berik Qurmanǵalı QR Prezıdenti Qasym-Jomart Toqaevtyń aldaǵy kezekten tys prezıdent saılaýyna túsýine qatysty pikir bildirdi.
«Qazaqstan Respýblıkasyndaǵy saılaý týraly» Konstıtýtsııalyq zańyna sáıkes, Prezıdenttikke úmitkerlerdi usyný quqyǵy respýblıkalyq qoǵamdyq birlestikterge, sonyń ishinde saıası partııalarǵa tıesili. Osyǵan baılanysty, Prezıdent saılaýyna kandıdat retinde qatysý týraly sheshimdi respýblıkalyq qoǵamdyq birlestik (saıası partııa) joǵary organy (sezd) qabyldaıdy», - dedi Berik Qurmanǵalı QazAqparat tilshisine.
Budan buryn Memleket basshysy Qasym-Jomart Toqaev Qazaqstan halqyna úndeý joldap, kezekten tys Qazaqstan Prezıdenti saılaýy 2019 jyldyń 9 maýsymynda ótetinin jarııalaǵan edi.