Qasym-Jomart Toqaev salyq salasyna qatysty Úkimetke tapsyrmalar júktedi
Prezıdenttiń aıtýynsha, ósimdi qalpyna keltirý kezeńinde Úkimet jańa jaǵdaılarǵa negizdelgen salyqtyq-bıýdjettik saıasatty jetildirý boıynsha usynystar ázirleý kerek.
Salyqtyq ákimshilendirý máselesi ózekti bolyp turǵanyna toqtalǵan Memleket basshysy, sońǵy kezderi kásipkerlerdiń salyq organdaryna shaǵymy jıilep ketkenin atap ótti. Shaǵyn qaryzdar úshin shottary buǵattalady. Sonymen qatar eseptilikti qabyldaý júıesi únemi isten shyǵyp jatady.
«Úkimetke «Atameken» UKP-men birlese salyqtyq ákimshilendirýdi túbegeıli jeńildetý boıynsha usynystar ázirleýdi tapsyramyn. Ol tsıfrlyq sheshimderge, osy oraıda aýqymdy málimetter men blokcheın tehnologııasyn paıdalanýǵa negizdelýi tıis», - dedi Q. Toqaev.
Sonymen qatar Memleket basshysy onlaın kassalyq apparattar men POS-termınaldardy paıdalanǵan jaǵdaıda, jeke kásipkerlerdi salyqtyq eseptilikti usynýdan bosatý máselesin qarastyrýdy tapsyrdy.