Qasym-Jomart Toqaev: Reformalar - bul Tuńǵysh Prezıdenttiń ustanymy

ALMATY. QazAqparat - Búgin Almatydaǵy konferentsııada QR Prezıdenti Qasym-Jomart Toqaev tabysty memlekettiń qalyptasýyna Elbasynyń qosqan úlesi týraly aıtty, dep habarlaıdy QazAqparat tilshisi.

«Nursultan Ábishuly Nazarbaevtyń joly - bolashaq úshin jasampazdyq, evolıýtsııa, progres. Tabysty memleketke, ıaǵnı shyn máninde óńirlik derjavaǵa aınalǵan Qazaqstan quqyq tetigin, azamattyq qoǵamdy damytýda qýatty serpilis jasady. Bul óz kezeginde demokratııalyq reformanyń qaıtalanbas sıpatyn qamtamasyz etti», - dedi Prezıdent.

Osy oraıda Q. Toqaev saıası turaqtylyq, barlyq salalardy jańǵyrtý men jaýapkershilikti syrtqy saıasat el ekonomıkasyna 300 mlrd dollardan astam sheteldik ınvestıtsııanyń tartylýyna jol ashqanyn atap ótti.

«Reforma - ol Tuńǵysh Prezıdenttiń ustanymy. Sondyqtan da Elbasy únemi ozyq sheshimderdi izdestirip keledi, sondaı-aq álemdik úzdik tájirıbege súıenýde», - dedi Qazaqstan Prezıdenti Qasym-Jomart Toqaev.

Aıta keteıik, búgin Almatyda QR Tuńǵysh Prezıdenti Nursultan Nazarbaevtyń saıası kóshasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymı konferentsııasy ótip jatyr.

Jıynda Nursultan Nazarbaev Semeı polıgony qalaı jabylǵanyn eske aldy.