Qasym-Jomart Toqaev polıtsııanyń servıstik modeliniń mánin túsindirdi

ASTANA. QazAqparat – Memleket basshysy Qasym-Jomart Toqaev Іshki ister mınıstrliginiń alqa májilisinde polıtsııanyń servıstik modeliniń mánin túsindirdi, dep habarlaıdy QazAqparat Aqordaǵa silteme jasap.

«Bıýrokratııa joıylsa, polıtsııanyń ýaqyty únemdeledi, kúsh-qýaty bosqa jumsalmaıdy. Azamattardyń ózekti máselesin sheshýge kóbirek múmkindik týady. Bizdiń azamattarymyzǵa qurǵaq esepter emes, sizderdiń qyzmetterińizdegi eleýli ózgerister men naqty nátıjeler qajet. Servıstik modeldiń máni – osy. Onyń negizgi tásilderi polıtsııa qyzmetiniń barlyq aspektileri men salalaryna engizilýi kerek», - dep atap ótti Qazaqstan Prezıdenti.