Qasym-Jomart Toqaev polıtsııany reformalaý týraly aıtty

NUR-SULTAN. QazAqparat – QR Prezıdenti Qasym-Jomart Toqaev «31» arnadan kórsetilgen «Prezıdent 2.0» derekti fılminde polıtsııany reformalaý máselesin kóterdi, dep habarlaıdy QazAqparat tilshisi.

Reseılik jýrnalıst Alekseı Pıvovarovtyń qoıǵan saýalyna jaýap bergen Memleket basshysy Saakashvılıdiń mysaly Qazaqstanǵa nelikten kelmeıtinin aıtty.

«Ol týraly estigenmin. Bolashaqta ilki joba retinde jergilikti mýnıtsıpaldy polıtsııaǵa qatysty reforma iske asyryp kórýimiz múmkin. Keleshekte jasaýǵa tyrysamyz, bul josparymda bar. Biraq ilki joba retinde, jeke bir oblysta nemese aýdanda iske asyramyz. Bul turǵyda Saakashvılıge ońaıyraq boldy. Onyń eli shaǵyn, halqynyń sany 3 mln adamnan sál ǵana asady. Sondyqtan eksperımentke saq qaraý kerek. Biraq reforma da qajet», - dedi Qasym-Jomart Toqaev.